urdu poetry 2 lines

سَلام کرتی ہے اُس کو رِدا نَفاسَت سے جو تیرے گال کو چُھو لے ہَوا نَفاسَت سے ہَم اَیسے لوگوں کو ؛؛ جِن سے وفائیں زِندہ ہیں فَلَک سے دیکھتا ہوگا خُدا نَفاسَت سے

نعت نبی سے دل کو ہیں سرشار کر گئے رب کے کرم سے پیارا یہ ہم کار کر گئے جگ میں نئے نبی کی ضرورت نہیں رہی نبیوں کا آنا ختم تو سرکار  کر گئے

لگتا ہے کہ تم مجھ سے محبت نہیں کرتے ورنہ تو مجھے ایسی نصیحت نہیں کرتے میں خود ہی نظر آنا نہیں چاہتا تم کو تم کون ہو، جو میری زیارت نہیں کرتے!

خوابِ غفلت سے نکل جا ایک دن مرنا بھی ہے اے مسلماں اب سنبھل جا ایک دن مرنا بھی ہے چار دن کی روشنی ہے پھر اندھیری رات ہے آج موقع ہے بدل جا ایک دن مرنا بھی ہے

ہم اپنے گھر کا رستہ بھول کر صحرا میں آ نکلے بجھانے پیاس اپنی ریت کے دریا میں آنکلے کبھی چہرے بھی دیتے ہیں کھلا دھوکا نگاہوں کو تلاش دوستاں تھی ہم صف اعدا میں آنکلے

آؤ لوگو سب ملکر اک شجر لگاتے ہیں سر پہ ٹھنڈی چھت والا ایک گھر بناتے ہیں گرمیوں کی چھاؤں ہیں ، سردیوں کا ایندھن ہیں کون کہتا ہے یہ پیڑ پھل نہیں بناتے ہیں؟

ردی کے ڈھیر میں تھے پڑے بے شمار خط میرا بھی اس میں ڈال دیا اب کی بار خط عہدے وفا کا خط انہیں موصول جب ہوا ہونٹوں سےچوما اور پڑھا بار بار خط

اب شہر میں نہیں ہے کوئی قدر دان عشق آؤ چلو کہ گاؤں میں کھولیں دکان عشق کب تک کھلا رہے گا میرا گلستان عشق سب جھریوں میں ڈوب گئے ہیں نشان عشق

مدارس میں یہ رہنے والے بچے ہیں بہت اچھے کلام رب کے پڑھنے والے بچے ہیں بہت اچھے مدارس میں انہیں الفت محبت ہی سکھاتے ہیں وفا میں آگے بڑھنے والے بچے ہیں بہت اچھے

اے لوگو سبھی متحد تم ہو جاؤ کہ جنت کی وادی کو جنت بناؤ خزاں کے پجاری شیطاں کو بھگاؤ بہار اخوت سے گلشن سجاؤ وہ صیاد کو سبق ایسا سکھا دو قفس توڑ کر سارے پنچھی اڑا دو