urdu poetry 2 lines

تباہیوں کے شکستہ نشاں سنبھالے گئے سفینے ڈوب گئے ، بادباں سنبھالے گئے یہی سبب تھا تعلُّق کی بے ثباتی کا یقین چھوڑ کے وہم و گماں سنبھالے گئے

کچھ ایسا میں بھی لکھوں دل کے پار ہو جائے پڑھے کوئی تو اسے رب سے پیار ہو جائے خدا سے توبہ کرے اور بندگی میں لگے حیات اس کی بہت خوشگوار ہو جائے

ہم سب کے رہنما ہیں یہ فاروق اور حسین دلبر ہیں دلربا ہیں یہ فاروق اور حسین دونوں سے ہم کو عشق ہے دل جان سے بہت امت کے پیشوا ہیں یہ فاروق اور حسین

نامرادی کے پسینے سے شرابور ہوں میں اے مری تازہ تھکن دیکھ بہت چٌور ہوں میں بات یہ ہے کہ کوئی آنکھ بھی دلچسپی لے شیشۂ خواب دکھانے میں تو مشہور ہوں میں اژدہے رینگتے ہیں ، بجلیاں گر جاتی ہیں اور ستم یہ کہ عصا ہوں نہ یہاں طور ہوں میں…

کچھ اور سست شب ِ انہدام ہو گئی ہے گھڑی کو تیز گھمایا تھا ، جام ہو گئی ہے گزر رہی ہے تو سوچا تمھیں بتائیں کیا یہ عمر کس کی تھی اور کس کے نام ہو گئی ہے

دل تو جاتا ہی رہا جان پہ بھی قبضہ دیکھا ہم نے الفت میں تری کچھ بھی نہ اپنا دیکھا طور کو آگ لگی آپ بھی بے ہوش ہوئے کیا تجلی کا وہاں اپ نے جلوہ دیکھا

اٹھا لو اِس غنیمت سے کہ جو حصہ تمھارا ہے لٹا دو سب غریبوں میں کہ جو حصہ ہمارا ہے۔ مرے الفاظ مجھ سے اب، بغاوت کر نہیں سکتے کہ میں نے ان کی رگ رگ میں لہو اپنا اتارا ہے۔

یا تو عشق کا بار اٹھانا بنتا ہے یا پھر خود کو آگ لگانا بنتا ہے اس کے ساتھ تو مکے جانا بنتا ہے کعبہ سامنے سر کو جھکانا بنتا ہے

حوض کوثر پہ حال کیا ہو گا جب نبی جی  سے سامنا ہو گا پہنچ پائے گا امتی وہ ہی ان  کی سیرت پہ جو چلا ہو گا

زندگی بھر یہ کرامات نہیں ہو سکتی اب کبھی اس سے ملاقات نہیں ہو سکتی پیار کے کھیل میں چال ایسی چلی ہے اس نے ہجر کی ختم کبھی رات نہیں ہو سکتی