urdu poetry 2 lines

میرے فاروق اعظم کو شجاعت زیب دیتی ہے  عدل بھی زیب دیتا ہے عدالت زیب دیتی ہے گزر جائیں وہ جس جانب تو رستہ چھوڑدے شیطاں مبارک چہرے پر ان کو جلالت زیب دیتی ہے

اے میرے ملک! تیری فضاؤں کی خیر ہو دریاؤں، جھیلوں، چشموں، ہواؤں کی خیر ہو اس دھرتی کے شہیدوں کو میرا سلام ہو اس ملک کے سپوتوں کی ماؤں کی خیر ہو

تعلقات سے پردے ہٹائے جاتے ہیں یہ دل، کہ ملتے نہیں ہیں ملائے جاتے ہیں جو غمگسار ہے اس کو سنائیں گے دکھڑے کہ ہر کسی کو کہاں غم سنائے جاتے ہیں

تیری آواز کی ضرورت ہے اک نئے ساز کی ضرورت ہے دل پہ چسپاں یہ اشتہار کِیا مجھ کو ہم راز کی ضرورت ہے

میرے اجداد نے مانگا چمن میں آشیاں لوگو میرے رب نے عطا کر دی یہ فصل گلستاں لوگو اگرچہ ظلم و تاریکی میں ڈوبا ہے جہاں لوگو مگر ہم کو ہمارے رب سے ہے حکم اذاں لوگو

اُس کے پاس جانے سے، راحتیں تو آئیں گی دو پَلوں کی خوشیاں بھی ہاتھ میں تو آئیں گی جِتنا وہ حسیں ٹھہرا، اُس پہ رشک کرنے کو اِردگرد بستی سے مہ وشیں تو آئیں گی

شکیب و صبر کے پیکر بھی آزمائے گئے جہاں میں آئے پیمبر بھی آزمائے گئے گزشتہ رات فقط اک مرا چراغ نہیں نُجُوم و ماہِ مُنوّر بھی آزمائے گئے

آشنائی کا اثاثہ بھی بہت ہوتا ہے بھیڑ میں ایک شناسا بھی بہت ہوتا ہے تم کو تفصیل میں جانے کی ضرورت ہی نہیں دکھ بڑا ہو تو خلاصہ بھی بہت ہوتا ہے ہم بھی کیا لوگ ہیں سب جھولیاں بھر لاتے ہیں بے یقینی کا تو ماسہ بھی بہت ہوتا ہے شکریہ…

رب کی توفیق سے آقا کی ثنا ہوتی ہے اس کی جانب سے ہی پھر نعت عطا ہوتی ہے نعت لکھتے ہوئے آنسو بھی ہیں بہتے میرے میرے ہونٹوں پہ سدا رب سے دعا ہوتی ہے

دل میں نام عمر لب پہ نامِ عمر جانتے ہیں مسلماں مقامِ عمر اہلِ حق کے لیے نرم لہجہ رہا باطلوں کے لیے انتقامِ عمر کیسے دورِ خلافت چلاتے رہے دیکھتے ہیں جو ہم اہتمامِ عمر