urdu poetry 2 lines

ہوا مداح قرطاس و قلم ختمِ نبوّت کا میں جب کرنے لگا نغمہ رقم ختمِ نبوّت کا کسی بے دین کی کوشش سے جھک جائے نہیں ممکن رہے گا تا ابد اونچا علَم ختمِ نبوّت کا

ہر جگہ ایسے رویے میں کہاں بولتا ہوں جس جگہ بولنا بنتا ہے وہاں بولتا ہوں خود سے لڑتا ہوں جھگڑتا ہوں بھلے جیسے مگر میں ترے ساتھ محبت کی زباں بولتا ہوں

یہ جو تیرا مرا تعلق ہے سوچ سے ماورا تعلق ہے کوئی شجرہ نہیں مُحبّت کا ایک خود ساختہ تعلق ہے

آنکھ کی کھاری بوندوں میں اک میٹھا منظر طیبہ کا قبلہ رو منظر میں بیٹھا ہے ، پیغمبر طیبہ کا دیکھوں جس بھی سمت نظارے طیبہ ہی کے سارے ہیں دل والے گھر کی ہر کھڑکی طیبہ کی ، در طیبہ کا

دور سارے ہی جہانوں سے اندھیرا ہو گیا جب محمد مصطفی  آئے اجالا ہو گیا ڈر گیا اور دم دبا کر بھاگا باطل دیکھ لو آقا  آئے حق کا ہر سو بول بالا ہو گیا

عَلم ختمِ نبوت کا اٹھانا اچھا لگتا ہے ہمیں حق و صداقت کا ترانہ اچھا لگتا ہے جو ہم شام و سحر ختمِ نبوت کا ہیں دم بھرتے ہمیں اپنی یہ بخشش کا بہانہ اچھا لگتا ہے

اپنی نظروں کو جب بھی  اٹھاتا ہے وہ شاہسواروں کو پل میں گراتا ہے وہ چاند چھپ جائے شرما کے بادل میں یوں دھیمے لہجے سے جب مسکراتا ہے وہ

یکسانیت سے تنگ ہیں تنہائی کی طرح دنیا میں جی رہے ہیں تماشائی کی طرح اپنی اگر سنائے سنے دوسروں کی بھی شنوائی بھی ہو قوتِ گویائی کی طرح

ہوا سے دھند کا جیسے حصار ٹوٹتا ہے یہ زعم ِ دل بھی سر ِ کوئے یار ٹوٹتا ہے کبھی کبھی مجھے ہوتی ہے دشمنوں کی طلب کبھی کبھی تو کوئی اعتبار ٹوٹتا ہے

میرے فاروق اعظم کو شجاعت زیب دیتی ہے  عدل بھی زیب دیتا ہے عدالت زیب دیتی ہے گزر جائیں وہ جس جانب تو رستہ چھوڑدے شیطاں مبارک چہرے پر ان کو جلالت زیب دیتی ہے