ملک مبشر صائم علوی

قلم میں جب بھی اُٹھاؤں نبی کی نعت کہوں درود لب پہ سجاؤں نبیؐ کی نعت کہوں صدائیں قلب و جگر کی زباں پہ لے آؤں خدا کی حمد سناؤں، نبیؐ کی نعت کہوں

عَلم ختمِ نبوت کا اٹھانا اچھا لگتا ہے ہمیں حق و صداقت کا ترانہ اچھا لگتا ہے جو ہم شام و سحر ختمِ نبوت کا ہیں دم بھرتے ہمیں اپنی یہ بخشش کا بہانہ اچھا لگتا ہے

بے رنگ سا بے کیف سا بےکار سا لہجہ ٹھکرائیے دشوار سا بیزار سا لہجہ رشتوں کا بھرم کاٹ کے رکھ دیتا ہے پل میں اب چھوڑنا ہوگا ہمیں تلوار سا لہجہ

سخن کا آغاز کر رہا ہوں حضورِ والا بہ اِسم اللہ تمام لفظوں میں ہورہا ہے عجب اجالا بہ اِسم اللہ بروزِ محشر اسی کے چہرے پہ ہوگا ایمان کا تبسم لیا ہے رزقِ حلال کا جس نے بھی نِوالہ بہ اِسم اللہ