ثمر جمال

اے میرے ملک! تیری فضاؤں کی خیر ہو دریاؤں، جھیلوں، چشموں، ہواؤں کی خیر ہو اس دھرتی کے شہیدوں کو میرا سلام ہو اس ملک کے سپوتوں کی ماؤں کی خیر ہو

تیری آواز کی ضرورت ہے اک نئے ساز کی ضرورت ہے دل پہ چسپاں یہ اشتہار کِیا مجھ کو ہم راز کی ضرورت ہے

اُس کے پاس جانے سے، راحتیں تو آئیں گی دو پَلوں کی خوشیاں بھی ہاتھ میں تو آئیں گی جِتنا وہ حسیں ٹھہرا، اُس پہ رشک کرنے کو اِردگرد بستی سے مہ وشیں تو آئیں گی

تم جدا ہوئے تو کیا، قربتیں نہیں گئیں دل سے اب بھی وصل کی خواہشیں نہیں گئیں ہجر یا وصال سب جاگ کر بسر ہوئے وقت کے بدلنے سے عادتیں نہیں گئیں

قدرت کے شاہکار! مرے یار، آ کے مل تیرا ہے انتظار مرے یار، آ کے مل میرا تو آج تک نہ طلبگار تھا کوئی کس کی ہے یہ پکار؟ مرے یار! آ کے مل

خط کئی لکھے مگر اک بھی نہ اِرسال کیا میں نے یہ کام کئی ماہ، کئی سال کیا اور بھی کام تھے، پر میں نے محبت کو چُنا ہاں! ضروری یہ لگا، بس یہی فِی الحال کیا

دنیا داری سے کٹ گیا ہوں میں اپنے اندر سِمٹ گیا ہوں میں کتنے لوگوں نے مجھ کو توڑا ہے کتنے لوگوں میں بٹ گیا ہوں میں

تجھے پتہ نہ چلے کِتنا قیمتی ہے تُو تجھے خبر ہی نہیں، تیرے مسکرانے سے چمن میں کتنے نئے پھول، نِت نِکھرتے ہیں ترا ہی رنگ بہاروں نے اُوڑھ رکھا ہے تری نظر سے، مناظر کئی سنورتے ہیں یہ تیرگی بھی بنی ہے جو رات کی زینت حقیقتاً…