شاعری محبت اردو

دنیا جہان میں ہے ہمیں صرف تو پسند لہجہ ترا پسند ، تری گفتگو پسند رہتے ہیں اس لئے وہ ہمیشہ حجاب میں کرتے ہیں عشق میں وہ مری جستجو پسند

اُس کے پاس جانے سے، راحتیں تو آئیں گی دو پَلوں کی خوشیاں بھی ہاتھ میں تو آئیں گی جِتنا وہ حسیں ٹھہرا، اُس پہ رشک کرنے کو اِردگرد بستی سے مہ وشیں تو آئیں گی

تباہیوں کے شکستہ نشاں سنبھالے گئے سفینے ڈوب گئے ، بادباں سنبھالے گئے یہی سبب تھا تعلُّق کی بے ثباتی کا یقین چھوڑ کے وہم و گماں سنبھالے گئے

نامرادی کے پسینے سے شرابور ہوں میں اے مری تازہ تھکن دیکھ بہت چٌور ہوں میں بات یہ ہے کہ کوئی آنکھ بھی دلچسپی لے شیشۂ خواب دکھانے میں تو مشہور ہوں میں اژدہے رینگتے ہیں ، بجلیاں گر جاتی ہیں اور ستم یہ کہ عصا ہوں نہ یہاں طور ہوں میں…

جھاڑیاں ہٹاتا ہے، راستے بناتا ہے کون دل کے صحرا میں گنگناتا جاتا ہے کیا کریں طبیعت کا ،اِس عجب اذیّت کا جس سے بچ کے چلنا ہو، دل اُسی پہ آتا ہے

آئی کسی کی کال ،تری یاد آ گئی اے جانِ مہ جمال، تری یاد آ گئی اک یار نے جو حسن کی تشریح کے لئے پھولوں کی دی مثال، تری یاد آ گئی

لگتا ہے کہ تم مجھ سے محبت نہیں کرتے ورنہ تو مجھے ایسی نصیحت نہیں کرتے میں خود ہی نظر آنا نہیں چاہتا تم کو تم کون ہو، جو میری زیارت نہیں کرتے!

لبوں پر دشمنی کے تذکرے اچھے نہیں لگتے سماعت کو یہ کڑوے ذائقے اچھے نہیں لگتے مری آنکھوں میں ایسے جھلملاتے ہی رہیں آنسو چراغوں سے یہ خالی طاقچے اچھے نہیں لگتے

اچھے برے کی خیر ہے کہتے رہا کرو لیکن ہمارے سامنے بیٹھے رہا کرو لگتی ہے آگ جس کو لگے تم کو اس سے کیا اے دوست بات بات پہ ہنستے رہا کرو

ہم کو چاہت تھی کسی اور کی، آیا کوئی ہے بس یہی غم ہے، بتا ! اس کا مداوا کوئی ہے ؟ تو پکار اپنے سبھی چاہنے والوں کو ابھی ! میں بھی دیکھوں کہ ترا میرے علاوہ کوئی ہے ہم توکل کے سفیر اور امیدوں کے اسیر ہم تو پوچھیں گے ترے دشت میں دریا…