اردو شاعری

نعت نبی سے دل کو ہیں سرشار کر گئے رب کے کرم سے پیارا یہ ہم کار کر گئے جگ میں نئے نبی کی ضرورت نہیں رہی نبیوں کا آنا ختم تو سرکار  کر گئے

لگتا ہے کہ تم مجھ سے محبت نہیں کرتے ورنہ تو مجھے ایسی نصیحت نہیں کرتے میں خود ہی نظر آنا نہیں چاہتا تم کو تم کون ہو، جو میری زیارت نہیں کرتے!

وہ علم و عرفان سے منور وہ تقوی و عجز کا سمندر وہ رب کی جنت کے خود مسافر مگر بھٹکتے ہوؤں کے رہبر علم کی پاکیزگی سے روشن عمل کی خوشبو سے وہ معطر سخن شناور، دلیل برتر رفیق ِ ایماں، خطیبِ منبر جری محقق، حسیں مبصر عظیم ناصح ، قوی مدبر…

خوابِ غفلت سے نکل جا ایک دن مرنا بھی ہے اے مسلماں اب سنبھل جا ایک دن مرنا بھی ہے چار دن کی روشنی ہے پھر اندھیری رات ہے آج موقع ہے بدل جا ایک دن مرنا بھی ہے

قریبی رشتوں میں پیدا دراڑ کرتے رہے سیاسی لوگ تھے بہلا کے وار کرتے رہے وطن کے نام پہ ہم جا نثار کرتے رہے وہ ہم پہ پھر بھی کہاں عتبار کرتے رہے

ہے مدینے کا سماں چاروں طرف نور کی ہے کہکشاں چاروں طرف بوسہ ء گنبد کو یہ بے تاب ہے جھک رہا ہے آسماں چاروں طرف یاد آئے پھر بہت حبشی بلال گونجی مسجد جب اذاں چاروں طرف

یہ دینی مدارس ہیں پاکیزہ گھر یہ قرآں کے حافظ مجسم اجر کرے جن کی خاطر دعا ہر بشر کریں جن کے ماں باپ ان پہ فخر

ہم اپنے گھر کا رستہ بھول کر صحرا میں آ نکلے بجھانے پیاس اپنی ریت کے دریا میں آنکلے کبھی چہرے بھی دیتے ہیں کھلا دھوکا نگاہوں کو تلاش دوستاں تھی ہم صف اعدا میں آنکلے

آؤ لوگو سب ملکر اک شجر لگاتے ہیں سر پہ ٹھنڈی چھت والا ایک گھر بناتے ہیں گرمیوں کی چھاؤں ہیں ، سردیوں کا ایندھن ہیں کون کہتا ہے یہ پیڑ پھل نہیں بناتے ہیں؟

ردی کے ڈھیر میں تھے پڑے بے شمار خط میرا بھی اس میں ڈال دیا اب کی بار خط عہدے وفا کا خط انہیں موصول جب ہوا ہونٹوں سےچوما اور پڑھا بار بار خط