میں غلامِ شہہ بطحاء ہوں علی میرے ہیں | حضرت علی کی شان میں اشعار

میں غلامِ شہہ بطحاء ہوں علی میرے ہیں
میں وفادارِ صحابہ ہوں علی میرے ہیں

میں علی شیرِخدا ابنِ ابی طالب سا
دل میں صدیق کو رکھتا ہوں علی میرے ہیں

بیعت کی جس نے عمر جیسے جَری کے ہاتھوں
اُن کے کردار کا شیدا ہوں علی میرے ہیں

جس نے عثمان کی خدمت میں لگائے بیٹے
اُس کی تدبیر کو سمجھا ہوں علی میرے ہیں

خود کِیا اور نہ اوروں کو کہا ماتم کا
میں اُسی فکر کو لایا ہوں علی میرے ہیں

عِلم کا باب کہا جس کو مرے آقا نے
اُس پہ قربان ہمیشہ ہوں علی میرے ہیں

میں غلامِ شہہ بطحاء ہوں علی میرے ہیں
میں وفادارِ صحابہ ہوں علی میرے ہیں

شاعری: ہدہد الہ آبادی

شجاعت کا پیکر ہیں میرے علی | حضرت علی کی شان

اگر آپ مزید  شان صحابہ پر کلام پڑھنا چاہتے ہیں تو یہ لازمی دیکھیں