Saleem Ullah 680 posts 20 comments

اے میرے ملک! تیری فضاؤں کی خیر ہو دریاؤں، جھیلوں، چشموں، ہواؤں کی خیر ہو اس دھرتی کے شہیدوں کو میرا سلام ہو اس ملک کے سپوتوں کی ماؤں کی خیر ہو

تعلقات سے پردے ہٹائے جاتے ہیں یہ دل، کہ ملتے نہیں ہیں ملائے جاتے ہیں جو غمگسار ہے اس کو سنائیں گے دکھڑے کہ ہر کسی کو کہاں غم سنائے جاتے ہیں

تیری آواز کی ضرورت ہے اک نئے ساز کی ضرورت ہے دل پہ چسپاں یہ اشتہار کِیا مجھ کو ہم راز کی ضرورت ہے

انکی الفت کا دیا دل میں جلا رکھا ہے خود کو دیوانہ محمد کا بنا رکھا ہے جب بھی لیتا ہوں میں نام آپکا یوں لگتا ہے جام کوثر ہے جو ہونٹوں سے لگا رکھا ہے

میرے اجداد نے مانگا چمن میں آشیاں لوگو میرے رب نے عطا کر دی یہ فصل گلستاں لوگو اگرچہ ظلم و تاریکی میں ڈوبا ہے جہاں لوگو مگر ہم کو ہمارے رب سے ہے حکم اذاں لوگو

اُس کے پاس جانے سے، راحتیں تو آئیں گی دو پَلوں کی خوشیاں بھی ہاتھ میں تو آئیں گی جِتنا وہ حسیں ٹھہرا، اُس پہ رشک کرنے کو اِردگرد بستی سے مہ وشیں تو آئیں گی

شکیب و صبر کے پیکر بھی آزمائے گئے جہاں میں آئے پیمبر بھی آزمائے گئے گزشتہ رات فقط اک مرا چراغ نہیں نُجُوم و ماہِ مُنوّر بھی آزمائے گئے

محبتوں کا انوکھا جہاں ہے پاکستان یہ چاہتوں کی دلاری زباں ہے پاکستان خدائے پاک نے ہم کو دیا ہے یہ تحفہ اسی کے فضل کا پیارا نشاں ہے پاکستان

آقا  کی محبت میں ، دل میرا دھڑکتا ہے دیدار محمد  کو ، دل میرا تڑپتا ہے سینے میں مرا دل بھی ، ہر وقت مرے اللّٰہ دیدار مدینہ کی ، حسرت میں مچلتا ہے

مجھے ہے یاد مدینے کی وہ ہوا اب تک دل و نظر میں بسی ہے وہی فضا اب تک مزے مزے سے وہاں پر کھجور کھاتے تھے نبی  کے شہر کی وہ یاد ہے غذا اب تک نبی  کے شہر میں زم زم بھی خوب پیتے تھے مزہ ملا جو ، نہیں میں بھلا سکا اب تک میں آنکھیں بند…