urdu poetry

کچھ اور سست شب ِ انہدام ہو گئی ہے گھڑی کو تیز گھمایا تھا ، جام ہو گئی ہے گزر رہی ہے تو سوچا تمھیں بتائیں کیا یہ عمر کس کی تھی اور کس کے نام ہو گئی ہے

آئی کسی کی کال ،تری یاد آ گئی اے جانِ مہ جمال، تری یاد آ گئی اک یار نے جو حسن کی تشریح کے لئے پھولوں کی دی مثال، تری یاد آ گئی

مہذب بات کرتے ہیں تو شیرینی ٹپکتی ہے ثمر جس میں لگا ہوتا ہے وہ ڈالی لچکتی ہے اجالے میں جو جیسا ہے نظر آتا ہے ویسا ہی تمہاری شخصیت لیکن اندھیرے میں چمکتی ہے

اٹھا لو اِس غنیمت سے کہ جو حصہ تمھارا ہے لٹا دو سب غریبوں میں کہ جو حصہ ہمارا ہے۔ مرے الفاظ مجھ سے اب، بغاوت کر نہیں سکتے کہ میں نے ان کی رگ رگ میں لہو اپنا اتارا ہے۔

یا تو عشق کا بار اٹھانا بنتا ہے یا پھر خود کو آگ لگانا بنتا ہے اس کے ساتھ تو مکے جانا بنتا ہے کعبہ سامنے سر کو جھکانا بنتا ہے

سناتا ہوں میں تم کو قصہ سہانا کلام خدا میں یہ پائے زمانہ چمکتا ہوا اک گھرانہ یہ دیکھو یوں حکم الہی پہ جمنا بھی سیکھو اک امر خدا پر خلیل اب چلے ہیں فرشتے بھی حیرانگی میں پڑے ہیں

حوض کوثر پہ حال کیا ہو گا جب نبی جی  سے سامنا ہو گا پہنچ پائے گا امتی وہ ہی ان  کی سیرت پہ جو چلا ہو گا

مجھ سے بچھڑ کے خوش نہیں غم کھا رہا ہے وہ اک بھول کرکے اب سدا پچھتا رہا ہے وہ کرتا تھا جو کہ شوخی شرارت سبھی جگہ آتے ہی میرے سامنے شرما رہا ہے وہ

سَلام کرتی ہے اُس کو رِدا نَفاسَت سے جو تیرے گال کو چُھو لے ہَوا نَفاسَت سے ہَم اَیسے لوگوں کو ؛؛ جِن سے وفائیں زِندہ ہیں فَلَک سے دیکھتا ہوگا خُدا نَفاسَت سے

لگتا ہے کہ تم مجھ سے محبت نہیں کرتے ورنہ تو مجھے ایسی نصیحت نہیں کرتے میں خود ہی نظر آنا نہیں چاہتا تم کو تم کون ہو، جو میری زیارت نہیں کرتے!