urdu poetry

اُتارتا ہوں ڈائری پر اک خیال کی تھکن کِسی کے ساتھ کے عروج اور زوال کی تھکن جو ایک جھوٹے دستخط پہ سینکڑوں کماتا ہے کہاں سمجھ سکے گا وہ بھلا حلال کی تھکن

آنکھ حیران نہ ہو خواب کو مشکل نہ پڑے اس طرح ٹوٹ کہ اعصاب کو مشکل نہ پڑے کھول رکھتا ہوں گریبان ہمیشہ اپنا زخم دیتے ہوۓ احباب کو مشکل نہ پڑے

حج کے ایّام کو خوبصورت کرو حاجیو! حج پہ تقویٰ کی نیت کرو سیلفیوں کی رَوِش سخت معیوب ہے خودنمائی کی کوشش کبھی مت کرو

خار ہو کر بھی پھول ہو جائے جو غلامِ رسول  ہو جائے بعدِ مولیٰ مقام ہے ان  کا کچھ نہ لکھنے میں بھول ہو جائے ورد کرنا درود کثرت سے زندگی کا اصول ہو جائے

درد نعمت کی طرح زخم خزانوں جیسے اس لئے نوحے بھی گاۓ ہیں ترانوں جیسے ہم جنوں والے ہنسا کرتے ہیں گھاٹے کھا کر كفِ افسوس نہیں مَلتے سیانوں جیسے

در ہمیشہ کھلا ہوا رکھنا جاری ملنے کا سلسلہ رکھنا اہلِ باطل کے بیچ جو حق ہو بات کہنے کا حوصلہ رکھنا آندھیاں آئیں یا کہ طوفاں ہوں تم چراغِ وفا جلا رکھنا

اللہ کے گھر پہ جیسے ہی پہلی نظر گئی کعبے کے جلووں سے یہ مری آنکھ بھر گئی مبہوت ہو گیا تھا میں کعبے کو دیکھ کر سوچی تھی جو دعا وہ نجانے کدھر گئی

اک دن کا ہم سفر بھی وہ کتنا عجیب تھا میرا اور اس کا ربط بھی کتنا غریب تھا اک بار مل کے مجھ سے وہ یہ کہہ کے چل دیا شاید کہ یہ جدائی ہی اپنا نصیب تھا دو انتہائیں چلتیں رہیں ساتھ ساتھ اور کہتے رہے یہ لوگ وہ میرے قریب تھا سوچا تو…

اگرچہ ہوں تو سہی پاش پاش میں درویش عجب ہے دکھتا نہیں بود و باش میں درویش ذرا دماغ میں، دل میں، خیال میں ہی سہی خدایا آ کہ ہوں تیری تلاش میں درویش

یومِ مزدور ہے، مزدور کو چھٹی ہی نہیں سچ یہ مشہور ہے، مزدور کو چھٹی ہی نہیں کیسے دوں اس کو مبارک، میں خوشی کے دن کی دیکھ رنجور ہے، مزدور کو چھٹی ہی نہیں