text urdu poetry

عشق ہی کافی نہیں دیوانگی کے دشت میں علم و حکمت بھی ہے لازم عاشقی کے دشت میں واپسی کا اب کوئی امکان ہی باقی نہیں دُور اتنا آ گیا ہوں بے دلی کے دشت میں

حج کے ایّام کو خوبصورت کرو حاجیو! حج پہ تقویٰ کی نیت کرو سیلفیوں کی رَوِش سخت معیوب ہے خودنمائی کی کوشش کبھی مت کرو

کیا پوچھتے ہو ،زیست میں کیا تجربہ رہا ؟ وہ دوڑ ہی نہیں تھی جو میں دوڑتا رہا وہ لفظ کیا تھے ،کس نے کہے تھے، خبر نہیں بس اِتنا یاد ہے کہ مرا دل دُکھا رہا

درد نعمت کی طرح زخم خزانوں جیسے اس لئے نوحے بھی گاۓ ہیں ترانوں جیسے ہم جنوں والے ہنسا کرتے ہیں گھاٹے کھا کر كفِ افسوس نہیں مَلتے سیانوں جیسے

در ہمیشہ کھلا ہوا رکھنا جاری ملنے کا سلسلہ رکھنا اہلِ باطل کے بیچ جو حق ہو بات کہنے کا حوصلہ رکھنا آندھیاں آئیں یا کہ طوفاں ہوں تم چراغِ وفا جلا رکھنا

مرغوب یوں ہوئی ہمیں بابر اداۓ یار مانگا نہ کچھ خدا سے کبھی ماسواۓ یار ہم ہی نہیں جہاں میں فقط مبتلاۓ یار پھرتے ہیں بادشاہ بھی بن کر گداۓ یار

حق جتانے کے لئے کچھ آبلہ پائی تو ہو کم سے کم اِن ریگزاروں سے شناسائی تو ہو بیٹھنے دو یار کے پہلو میں اے چارہ گرو مجھ پہ بھی کچھ پَل فِدا دُنیا کی رعنائی تو ہو

دشت کو پُرفضا بناتے ہوئے عمر گزری شجر لگاتے ہوئے باغ میں خوش نوا پرندے ہیں لاج آتی ہے گُنگنُاتے ہوئے

اک دن کا ہم سفر بھی وہ کتنا عجیب تھا میرا اور اس کا ربط بھی کتنا غریب تھا اک بار مل کے مجھ سے وہ یہ کہہ کے چل دیا شاید کہ یہ جدائی ہی اپنا نصیب تھا دو انتہائیں چلتیں رہیں ساتھ ساتھ اور کہتے رہے یہ لوگ وہ میرے قریب تھا سوچا تو…

اگرچہ ہوں تو سہی پاش پاش میں درویش عجب ہے دکھتا نہیں بود و باش میں درویش ذرا دماغ میں، دل میں، خیال میں ہی سہی خدایا آ کہ ہوں تیری تلاش میں درویش