amazing urdu poetry

اسلام ایک جسم ہے اور جان مدرسہ ہم اہلِ دیں کی آج ہے پہچان مدرسہ امید ہے کہ رب کی شریعت بنے نظام ایسی ہر اک امید کا امکان مدرسہ

دل کی دنیا ویران کر بیٹھے جب غلط تم بھی دھیان کر بیٹھے جس سے مائل ہوئے ہیں شر کی طرف کیسی غفلت جوان کر بیٹھے ؟

کٹھن منزل پہ یاروں سے جفا کرنا نہیں آتا جو کرتے ہیں جفا ان سے وفا کرنا نہیں آتا وفاداری میں مخلص جو برے حالات میں بھی ہو مجھے ان کی وفاؤں پر گلہ کرنا نہیں آتا

مجھ پہ بھاری ہوئیں میری فرمائشیں بوجھ سی ہوگئیں بے سبب خواہشیں کیسے کہدوں میں غیروں سے جینے نہ دیں میرے ہمدرد و ہمفکر کی سازشیں

ہمارے شاعر اک پیارے سلیم اللہ صفدر ہیں بہت ہی خوب یہ لکھتے سلیم اللہ صفدر ہیں ہزاروں لکھ چکے ہیں پیارے پیارے یہ کلام اب تک چمکتے اک بڑے تارے سلیم اللہ صفدر ہیں

جو کرتا ہے شہ دیں کی اطاعت زندگانی میں وہی ہے کامیابی میں وہی ہے کامرانی میں رسول اللہ کی ناموس پر قربان ہوتا ہے کوئی بچپن میں کوئی پیری میں کوئی جوانی میں یہی دنیا تھی جو جنت کا نقشہ پیش کرتی تھی نبی کی حکمرانی میں نبی کی راج…

حرم جو دیکھ آئی ہیں وہ آنکھیں خوبصورت ہیں حرم کی باتیں کرتی ہیں زبانیں خوبصورت ہیں ابھی تک بھی تصور میں وہ مکہ ہے مدینہ ہے حرم کی آنے والی سب ہی یادیں خوبصورت ہیں

جن دلوں پر انا کے تالے ہیں کب کسی کے وہ ہونے والے ہیں تھی خبر ہم کو یار ڈس لیں گے پھر بھی وہ ناگ ہم نے پالے ہیں

کسی کو مال کی چاہت، کوئ ہے یار کا عاشق مجھے الفت محمد سے، میں ہوں سرکار کا عاشق اترتے ہیں ملائک بھی جہاں پر با ادب ہوکر میں اس دربار کا شائق میں اس دربار کا عاشق

ستم شعار زمانے نے حوصلے نہ دیے رہِ سیاہ پہ پھینکا ، مگر دیے نہ دیے بہت سے واقعے ایسے گزر گئے ہیں کہ جو ترے جمال کی عادت نے دیکھنے نہ دیے