amazing urdu poetry

تباہیوں کے شکستہ نشاں سنبھالے گئے سفینے ڈوب گئے ، بادباں سنبھالے گئے یہی سبب تھا تعلُّق کی بے ثباتی کا یقین چھوڑ کے وہم و گماں سنبھالے گئے

شکر رب زہے قسمت ، ہم حسین والے ہیں ہم کو مل گئی نعمت ، ہم حسین والے ہیں ہم کو فخر ہے اس پر ، ہم حسینی کہلائیں کیسی پیاری یہ نسبت ، ہم حسین والے ہیں

ہم سب کے رہنما ہیں یہ فاروق اور حسین دلبر ہیں دلربا ہیں یہ فاروق اور حسین دونوں سے ہم کو عشق ہے دل جان سے بہت امت کے پیشوا ہیں یہ فاروق اور حسین

اب دِکھاتا نہیں وہ ایسی کرامات مجھے اور عطا کرتا نہیں شرفِ ملاقات مجھے میرے دل سے نہیں جاتے نہ کبھی جائیں گے مار ڈالیں گے جدائی کے یہ اثرات مجھے

ہم ہیں دنیا سے بیزار سادہ صفت ہم سے عشق و محبت نہ فرمائیے جن کی خوشبو ہمارا سکوں چھین لے ایسے پھولوں کو پانی نہ پہنچائیے

جھاڑیاں ہٹاتا ہے، راستے بناتا ہے کون دل کے صحرا میں گنگناتا جاتا ہے کیا کریں طبیعت کا ،اِس عجب اذیّت کا جس سے بچ کے چلنا ہو، دل اُسی پہ آتا ہے

کچھ اور سست شب ِ انہدام ہو گئی ہے گھڑی کو تیز گھمایا تھا ، جام ہو گئی ہے گزر رہی ہے تو سوچا تمھیں بتائیں کیا یہ عمر کس کی تھی اور کس کے نام ہو گئی ہے

خوشی کا ایک لمحہ اورغموں کا اک زمانہ کیوں میں اک لا چار بندہ ہوں مجھے اتنا ستانا کیوں محبت کے لبادے میں جفا تم نے جو کی ہم سے محبت کر نہیں سکتے تو کر نے کا بہانہ کیوں

دل تو جاتا ہی رہا جان پہ بھی قبضہ دیکھا ہم نے الفت میں تری کچھ بھی نہ اپنا دیکھا طور کو آگ لگی آپ بھی بے ہوش ہوئے کیا تجلی کا وہاں اپ نے جلوہ دیکھا

مہذب بات کرتے ہیں تو شیرینی ٹپکتی ہے ثمر جس میں لگا ہوتا ہے وہ ڈالی لچکتی ہے اجالے میں جو جیسا ہے نظر آتا ہے ویسا ہی تمہاری شخصیت لیکن اندھیرے میں چمکتی ہے