amazing urdu poetry

موسم کے التفات کو ہیجاں سمجھ لیا بادِ سحر کو موجہء طوفاں سمجھ لیا تم سے بچھڑ کے عمر کے ہر موڑ پر مجھے کچھ فائدہ ہُوا بھی تو نقصاں سمجھ لیا

میں پریشاں حال مولی ہے صدا استغفر اللہ تیرے در پر آہ و زاری ہے ندا استغفر اللہ میں رہا غافل یہاں دنیا کی شہرت و ذوق میں تیری دھرتی پر کئے میں نے گناہ استغفر اللہ

وعدوں کے آسماں سے برسی دغا کی بارش ہوتی ہے باوفا پر اکثر جفا کی بارش رنگیں جہان سارا بے رنگ ہوگیا ہے ظالم نے جب سے کی ہے مجھ پر سزا کی بارش

عشق ہی کافی نہیں دیوانگی کے دشت میں علم و حکمت بھی ہے لازم عاشقی کے دشت میں واپسی کا اب کوئی امکان ہی باقی نہیں دُور اتنا آ گیا ہوں بے دلی کے دشت میں

کیا پوچھتے ہو ،زیست میں کیا تجربہ رہا ؟ وہ دوڑ ہی نہیں تھی جو میں دوڑتا رہا وہ لفظ کیا تھے ،کس نے کہے تھے، خبر نہیں بس اِتنا یاد ہے کہ مرا دل دُکھا رہا

در ہمیشہ کھلا ہوا رکھنا جاری ملنے کا سلسلہ رکھنا اہلِ باطل کے بیچ جو حق ہو بات کہنے کا حوصلہ رکھنا آندھیاں آئیں یا کہ طوفاں ہوں تم چراغِ وفا جلا رکھنا

حق جتانے کے لئے کچھ آبلہ پائی تو ہو کم سے کم اِن ریگزاروں سے شناسائی تو ہو بیٹھنے دو یار کے پہلو میں اے چارہ گرو مجھ پہ بھی کچھ پَل فِدا دُنیا کی رعنائی تو ہو

اک دن کا ہم سفر بھی وہ کتنا عجیب تھا میرا اور اس کا ربط بھی کتنا غریب تھا اک بار مل کے مجھ سے وہ یہ کہہ کے چل دیا شاید کہ یہ جدائی ہی اپنا نصیب تھا دو انتہائیں چلتیں رہیں ساتھ ساتھ اور کہتے رہے یہ لوگ وہ میرے قریب تھا سوچا تو…

یومِ مزدور ہے، مزدور کو چھٹی ہی نہیں سچ یہ مشہور ہے، مزدور کو چھٹی ہی نہیں کیسے دوں اس کو مبارک، میں خوشی کے دن کی دیکھ رنجور ہے، مزدور کو چھٹی ہی نہیں

تیرے ہونٹوں پہ مرے نام کی تکرار ہے کیوں گر نہیں پیار، تو پھر پیار کا اظہار ہے کیوں ساتھ چلنے کا ہے وعدہ تو سنبھل کر چلنا دامن خاک پہ یوں تیز پا رفتار ہے کیوں