اردو شاعری

نہ سر پہ کوئی سایہ ، نہ پیٹ میں روٹی ہے بارود کی بارش میں تنہا ہے اکیلی ہے نہ کوئی کھلونا ہے، نہ کوئی سہیلی ہے بچی یہ فلسطیں کی یوں آگ سے کھیلی ہے

آؤ بچو سناؤں کہانی تمہیں رب کی جس میں ملے گی نشانی تمہیں موسی ہارون تھے رب کے پیارے نبی وقت کے وہ قوی اور دلارے نبی

نظر میں میری نبی کا بسا دیار اب تک دوبارہ جاؤں یہی سوچ ہے سوار اب تک نرالا گنبد خضری بسا ہے آنکھوں میں کہ آ رہا ہے بہت مجھ کو اس پہ پیار اب تک

یکسانیت سے تنگ ہیں تنہائی کی طرح دنیا میں جی رہے ہیں تماشائی کی طرح اپنی اگر سنائے سنے دوسروں کی بھی شنوائی بھی ہو قوتِ گویائی کی طرح

ہوا سے دھند کا جیسے حصار ٹوٹتا ہے یہ زعم ِ دل بھی سر ِ کوئے یار ٹوٹتا ہے کبھی کبھی مجھے ہوتی ہے دشمنوں کی طلب کبھی کبھی تو کوئی اعتبار ٹوٹتا ہے

وطن عشق میرا وطن جان و دل وطن روح میری وطن جستجو وطن کے لیے اپنا تن من فدا وطن میری الفت وطن آبرو وطن میرے ایمان کی شان ہے یہ امن و اخوت کی پہچان ہے

میرے فاروق اعظم کو شجاعت زیب دیتی ہے  عدل بھی زیب دیتا ہے عدالت زیب دیتی ہے گزر جائیں وہ جس جانب تو رستہ چھوڑدے شیطاں مبارک چہرے پر ان کو جلالت زیب دیتی ہے

اے میرے ملک! تیری فضاؤں کی خیر ہو دریاؤں، جھیلوں، چشموں، ہواؤں کی خیر ہو اس دھرتی کے شہیدوں کو میرا سلام ہو اس ملک کے سپوتوں کی ماؤں کی خیر ہو

تعلقات سے پردے ہٹائے جاتے ہیں یہ دل، کہ ملتے نہیں ہیں ملائے جاتے ہیں جو غمگسار ہے اس کو سنائیں گے دکھڑے کہ ہر کسی کو کہاں غم سنائے جاتے ہیں

تیری آواز کی ضرورت ہے اک نئے ساز کی ضرورت ہے دل پہ چسپاں یہ اشتہار کِیا مجھ کو ہم راز کی ضرورت ہے