اردو اسلامی شاعری

میں جب قرآن پڑھتا ہوں محمد یاد آتے ہیں حدیثِ پاک سنتا ہوں ، محمد یاد آتے ہیں مؤذن کی اذاں میں جب ، محمد  نام آتا ہے جواب اس کا میں دیتا ہوں ، محمد  یاد آتے ہیں

اسلام ایک جسم ہے اور جان مدرسہ ہم اہلِ دیں کی آج ہے پہچان مدرسہ امید ہے کہ رب کی شریعت بنے نظام ایسی ہر اک امید کا امکان مدرسہ

دل کی دنیا ویران کر بیٹھے جب غلط تم بھی دھیان کر بیٹھے جس سے مائل ہوئے ہیں شر کی طرف کیسی غفلت جوان کر بیٹھے ؟

جو کرتا ہے شہ دیں کی اطاعت زندگانی میں وہی ہے کامیابی میں وہی ہے کامرانی میں رسول اللہ کی ناموس پر قربان ہوتا ہے کوئی بچپن میں کوئی پیری میں کوئی جوانی میں یہی دنیا تھی جو جنت کا نقشہ پیش کرتی تھی نبی کی حکمرانی میں نبی کی راج…

حرم جو دیکھ آئی ہیں وہ آنکھیں خوبصورت ہیں حرم کی باتیں کرتی ہیں زبانیں خوبصورت ہیں ابھی تک بھی تصور میں وہ مکہ ہے مدینہ ہے حرم کی آنے والی سب ہی یادیں خوبصورت ہیں

کسی کو مال کی چاہت، کوئ ہے یار کا عاشق مجھے الفت محمد سے، میں ہوں سرکار کا عاشق اترتے ہیں ملائک بھی جہاں پر با ادب ہوکر میں اس دربار کا شائق میں اس دربار کا عاشق

صورت ہے لاجواب تو سیرت ہے لاجواب وہ آخری نبی ہیں نبوت ہے لاجواب قرآن کی زباں پہ ہے مدحت حضور کی قرآن نے جو کی ہے وہ مدحت ہے لاجواب

تیرا ہر خواب حقیقت ہو، یہ جنت ہے کیا؟ تجھ کو ہر لمحے میں راحت ہو، یہ جنت ہے کیا؟ تجھ سے سب پیار کا اظہار کریں دنیا میں تجھ سے ہر ایک کو الفت ہو، یہ جنت ہے کیا؟

محفل میں اجالا ہو ایسا تیرے آنے سے دیکھے تجھے ھر کوئی مڑ مڑ کے بہانے سے چلتے رھو خود بھی تم حق راہ پہ ھی دائم شرماؤ کبھی بھی مت حق راہ دکھانے سے

ہے آج ہوا دین سے کیوں دور مسلمان ہے آج بھلا کیوں نہیں سینوں میں وہ ایمان کم ہو گئی مسجد سے وہ اذکار و تلاوت ہر فرد موبائل میں ہوا محوِ ریاضت اللہ کو بھلا دینے کا کیسا ہے یہ سامان