Saleem Ullah 682 posts 20 comments

ہم ہیں دنیا سے بیزار سادہ صفت ہم سے عشق و محبت نہ فرمائیے جن کی خوشبو ہمارا سکوں چھین لے ایسے پھولوں کو پانی نہ پہنچائیے

جھاڑیاں ہٹاتا ہے، راستے بناتا ہے کون دل کے صحرا میں گنگناتا جاتا ہے کیا کریں طبیعت کا ،اِس عجب اذیّت کا جس سے بچ کے چلنا ہو، دل اُسی پہ آتا ہے

کچھ اور سست شب ِ انہدام ہو گئی ہے گھڑی کو تیز گھمایا تھا ، جام ہو گئی ہے گزر رہی ہے تو سوچا تمھیں بتائیں کیا یہ عمر کس کی تھی اور کس کے نام ہو گئی ہے

کی ہے آقا  سے وفا ، عثمان تیرا شکریہ ہم یہ کہتے ہیں سدا ، عثمان تیرا شکریہ اب تلک بھی شہر طیبہ میں سبھی کے سامنے چل رہی تیری سخا ، عثمان تیرا شکریہ

سمجھ رہے ہیں گنہگار سب جہاں والے زمین تنگ نہ ہو مجھ پہ آسماں والے چلے ہیں جب سے اٹھا کر بغاوتوں کے علم کھٹک رہے ہیں زمانے کو ہم زباں والے

آئی کسی کی کال ،تری یاد آ گئی اے جانِ مہ جمال، تری یاد آ گئی اک یار نے جو حسن کی تشریح کے لئے پھولوں کی دی مثال، تری یاد آ گئی

خوشی کا ایک لمحہ اورغموں کا اک زمانہ کیوں میں اک لا چار بندہ ہوں مجھے اتنا ستانا کیوں محبت کے لبادے میں جفا تم نے جو کی ہم سے محبت کر نہیں سکتے تو کر نے کا بہانہ کیوں

ہر اک افق پر ضیائے رحمت کے رنگ چھائے، نبی جب آئے ہزاروں آنکھوں میں خوابِ امید جگمگائے نبی جب آئے وہ روم و ایران کو پچھاڑا، غرورِ اہل یہود توڑا حنین احزاب اور بدر کے میداں سجائے نبی جب آئے

دل تو جاتا ہی رہا جان پہ بھی قبضہ دیکھا ہم نے الفت میں تری کچھ بھی نہ اپنا دیکھا طور کو آگ لگی آپ بھی بے ہوش ہوئے کیا تجلی کا وہاں اپ نے جلوہ دیکھا

مہذب بات کرتے ہیں تو شیرینی ٹپکتی ہے ثمر جس میں لگا ہوتا ہے وہ ڈالی لچکتی ہے اجالے میں جو جیسا ہے نظر آتا ہے ویسا ہی تمہاری شخصیت لیکن اندھیرے میں چمکتی ہے